مسعود الرمضاني ... الحقيقة دائما ثورية

ثمة واحد اسمو مسعود الرمضاني عامل فيها ثوري ويدافع على حقوق الإنسان والحقيقة أنو ما ينجمش يكون لا ثوري ولا مدافع على حقوق الإنسان على خاطرو يتوهم الأشياء ويبني عليها مواقف وسلوكات ويميز على أساسها الناس نحب نقلو راهو وقت اللي هو خايف في أواسط الثمانينات ثمة ناس ما خافتش وقت اللي هو ما فاهم شي ويطعبش ثمة ناس قرات ماركس ولينين وماو وقرامشي وحتى مهدي عامل اللي ربما إنت لتوة ما قريت منهم حتى حرف ... ماك مدافع على حقوق الإنسان بالمعنى العميق للكلمة يلزمك ادافع على كل إنسان حتى المذنب والمجرم حتى تثبت إدانته وحتى كان ثبتت إدانتو لازمك ادافع على أبعاد ذاتو الإنسانية وتحترم رايو وموقفو ... والحقيقة دائما ثورية يا سي مسعود

تأجيل الانتخابات : النهضة والـ PDP

واضح اللي برشة أحزاب ما يهمها من الانتخابات كان الغورة على مقاعد المجلس التأسيسي وبعد كيما يقولو حشاكم " الوبا والكداد " وهو دعاء يطلق عادة على الحيوانات ، ما يهمهش البلاد و100 سنة أخرى والدستور ووضع أسس جمهورية ثانية ورأي الشعب التونسي وإرادتو هذه كلها أشياء ثانوية عندهم ، هاذوما النهضة وحزب نجيب الشابي يحبو ياخذوا مقاعد في الغفلة وباسم الشعب يترهدنو لثنين قال شنوة قال خايفين على الثورة علاش بربي خايفين عليها متاعكم هيا عملتوها الثورة ، راهي ثورة الشعب التونسي وهو اللي عملها ومن حقو يعرف آش يختار ويفهم الحكاية ويفهم شنوة مجلس تأسيسي وشنوة باش يصير ومن حق كل الأطراف أني تعملو قيمة .
النهضة في بالهم هوما الشعب ياخي عطاطتهم الصونداجات شلبوق حلايبي على خلايقهم قالهم الشعب أنتم مجرد حزب كيف الأحزاب الأخرى وربما أقل ، في بالهم الشعب ما يفهمش طلع مهف عليهم وما تعدتش عليه الفلوس اللي بالكدس عندهم وما تعدتش عليه سفرة الجبالي لأمريكا وبريطانيا وحديثو على ديمقراطية اسرائيل ...
مساكن اليوم شلبوق وغدوة كروش يجيبهم على الوطا على خاطرهم يكذبو على الشعب كيفهم كيف الـ PDP .

سي محسن مرزوق

سي محسن مرزوق تحياتي يا رفيق تحياتي أيها الوطني الغيور أيها الرجل الذي يفكر بعقله في زمن صار التفكير بالأيدي والأفواه والعبارات المكررة الممجوجة ... عندما يصبح التفكير مجرد تكرار لجمل ثورية تم حفظها عن ظهر قلب يلغى العقل وكل ابداع انساني ، وتنتصب الدغمائية بكل بؤسها وعنجهيتها الكاذبة ، صرحا مخيفا للأباطيل والبهتان والصفاقة والوقاحة ، تدفع نحو المجهول وتؤسس لنهايات مأساوية غير عابئة بتطلعات الشعب ومعطيات الواقع ... لقد قدّم الرفيق محسن مرزوق درسا سياسيا بكل ما في الكلمة من معنى وأخال جملة من العابرين ( الببوش الفارغ ) سينتقد السيد محسن مرزوق لأنه دعا إلى مصالحة وحوار وطني من أجل نحت مسار للثورة يمنع انزلاقها نحو الفوضى والعنف ويمنع امكانية ارتدادها وانفراد الثورة المضادة بالفعل السياسي في البلاد ... كان دائما متميزا هذا الرجل وهو لا يزال كذلك منافحا كبيرا عن المشروع الديمقراطي في تونس ... المشروع الذي يمثل قاعدة لتأسيس تونس جديدة تونس المواطنة والتقدم ، المشروع العتبة نحو آفاق أرحب من نماذج كليانية تقودها الدغمائية الفكرية التي ستتحول من خلالها النخب إلى عصابات رغما عن إرادتها ... من جديد تحياتي الصديق محسن مرزوق .

سي مصطفى بن جعفر

سي مصطفى بن جعفر شارك يوم 8 ماي 2011 في نقاش تلفزي حول خطاب الباجي قايد السبسي في قناة نسمة وحب يلبس جبة ثورية ما جاتش على قياسو على خاطرو يفركح ويجري مع الجماعة اللي دازين فيها ثوريين في مرحلة ماهيش متاع ثوريين وهو مسيكن لا نجم يحكي كيف أحمد نجيب الشابي ولا كيف أحمد ابراهيم اللي حبوا يظهروا شوية هكة تحمل مسؤولية ولا نجم يكون كيف حمة الهمامي ولا كيف جماعة النهضة وضاع فيها بازقة ... عمل تخريجة غاية في البهامة وموش عارف كيفاش هذاكا طبيب قال اللي التجمعيين الحقيقيين ما يفوتوش 40 ألف في تونس قلنا برا نمشيو معاه بالك بالحق وإذا كانوا ما يفوتوش 40 ألف معناها ما ينجموش ياخذوا حتى بقعة في المجلس التأسيسي ولكنو خايف العزا مناش خايف خايف لا التجمعيين يخرجوا من الباب يرجعوا من الشباك تي كيفاش ينجموا يرجعوا وهوما ما يفوتوش 40 ألف أشكون باش يرجعهم أشكون باش يصوتلهم ... على كل الجماعة هاذم ساعات يكسرولي المازمبي بالتقوعير والبهامة وعاملين فيها قيادات سياسية يتمنكو على خلق ربي تي ماهو يا قوش جملة وحدة وإلا كون مسؤول آما العصا من الوسط ما تنجم كان تلعب بيها آما ما تنجمش تضرب بيها ... بربي يا سي جعفر ما تتغشش وفيق على روحك يعيش خويا راك راجل .

ثوار البنك العالمي

نحب نعاود نحكي على ليبيا موش دفاعا عن القذافي آما تقديما للحقيقة ، على خاطر ها الشعوب التعيسة تجري وراء ما تتيحه لها وسائل الإعلام الغربية من مادة إعلامية تبني عليها مواقف سياسية في أغلب الحالات مواقف مهلكة للشعوب هذي
نهار 23 أفريل 2011 حلف الناتو ضرب القنوات التلفزية العمومية متاع ليبيا القنوات توقفوا مدة 30 دقيقة ومن بعد رجعوا يخدموا
الناطق الرسمي متاع حلف شمال الأطلسي قال اللي القنوات التلفزية ماهيش هي المستهدفة على خاطر الحلف يحترم ويشجع حرية التعبير ولكن بناية متاع جماعة عسكريين كانت قريبة وهنا نتساءل على الدقة في الضربات وتحييد المدنيين والكذب متاع الحلف المتواصل ، وفي المقابل متاع ها التزييف تخرجلنا الصحف السعودية بخبير فيه برشة احترام لحرية التعبير وتشجيع ليها ها الخبير يقول أنو الولايات المتحدة الأمريكية طلبت من الشركة اللي تتصرف في القمر الصناعي عرب صات أني توقف بث القنوات الليبية إلى جانب ذلك ثمة محطة تشويش على الأراضي اليبية يتحكموا فيها " الثوار " وتنسق مع محطة أخرى على الأراضي السعودية وتتحكم فيها أمريكا وهي معمولة في الأصل باش تشوش على كل منوعة أو برنامج يتحدث على الأحداث الدموية الأخيرة في البحرين .
وهنا نرجع للحديث متاع الشعوب التعيسة اللي ما فاهمة حتى شي وتصيح وقت اللي يحبوها تصيح وتسكت وقت اللي يحبوها تسكت . ويسموا في التعساء هذوما ثوار ، ثوار البنك العالمي وثوار حلف شمال الأطلسي .

ما وراء الهجوم على ليبيا : الحرب الاستعمارية الجديدة

لم يكن القصد من العدوان الغربي على ليبيا للسيطرة على قطاع النفط المحلي التي كان قد سمح لشركات غربية تعمل فيه منذ تطبيع العلاقات الدبلوماسية.
وقد بدأ بالفعل غزو ليبيا ، على عكس ما يقال . وأعدت وحدات هجومية ، والتي تعمل منذ مدة طويلة على أرض ليبيا ، هي شركات النفط القوية وبنوك الاستثمار للولايات المتحدة وأوروبا.
بعد إلغاء العقوبات في عام 2003 ، تدفقت شركات النفط الغربية الى ليبيا مع توقعات عالية ولكن خيبة الأمل كانت كبيرة . فقد سلمت الحكومة الليبية على أساس نظام يعرف باسم EPSA - 4 تراخيص تشغيل للشركات الأجنبية على أن تترك لشركة الدولة (المؤسسة الوطنية للنفط ليبيا) ، أعلى نسبة من فوائد استخراج النفط ، وصلت هذه النسبة حوالي 90 ٪ وتضمنت العقود حسب بوب فريكلوند ، الرئيس السابق لشركة كونوكو فيليبس الأمريكية شروطا قاسية جدا بالنظر إلى شروط المنافسة العالمية ويبدو من خلال الخطوات المتخذة بعد الحرب أن الحرب هي فعلا حرب استعمارية كلاسيكية . 1
إن اعتراف فرنسا من المجلس الوطني الانتقالي (10 مارس) ، وقمة لندن (30 مارس) سيسمح للشركات متعددة الجنسيات الغربية لتغيير شروط العقود ، حيث لن تدفع أكثر من حقوق استغلال رمزية. من وجهة النظر هذه فإن هذه الحرب ليست أكثر من حرب استعمارية كلاسيكية.
فقد أحدث المجلس الوطني الانتقالي في ليبيا شركة " النفط الليبية " لتسهيل منح التراخيص وفقا لشروط مواتية للغاية للشركات الامريكية والبريطانية والفرنسية . ومعاقبة الشركات ، العاملة قبل الحرب ، والمنتجة للنفط في ليبيا وخاصة ENI الإيطالية التي دفعت في عام 2007 مليار دولار لقاء استغلال النفط حتى 2042 ، وكذلك وينترشال الألمانية فضلا عن الشركات الروسية والصينية . ويخطط "الثوار" لخوصصة الشركات المملوكة للدولة ، وهو ما يطلبه صندوق النقد الدولي في مقابل "مساعدة" لإعادة إعمار الصناعة والبنية التحتية التي دمرتها حرب "الثوار" أنفسهم.
كما أنه يتم الآن إنشاء "مصرف ليبيا المركزي " في بنغازي من قبل طاقم كبير للعملاق المالي الانقليزي HSBC ، واجهة لإدارة السيادة الليبية على الاستثمارات الليبية في الخارج (أكثر من 150 مليار دولار) . وعندما سيتم "رفع التجميد" من جانب الولايات المتحدة والقوى الأوروبية الكبرى . وسيكون من السهل على HSBC وغيرها من البنوك الاستثمارية الرئيسية زيادة الاستثمارات في ليبيا وفقا لاستراتيجياتها.
أحد أهدافها أيضا هو إبعاد وإنهاء المؤسسات المالية للاتحاد الأفريقي ، التي لم يكن ممكنا وجودها لولا الاستثمارات الليبية فالبنك الأفريقي للاستثمار ، ومقره في طرابلس ، والبنك المركزي الأفريقي ، ومقره في ابوجا (نيجيريا) ، وصندوق النقد الأفريقي ، ومقره في ياوندي (الكاميرون) يمكنها مع رأس مال يزيد على 40 مليار دولار أن تحل محل صندوق النقد الدولي . إن إزالة هذه المؤسسات المالية التي تهيمن حتى الآن على الاقتصادات الأفريقية سيفتح الطريق أمام الشركات متعددة الجنسيات والبنوك الاستثمارية الولايات المتحدة وأوروباومنع أية إمكانية للاستقلال المالي لأفريقيا.
[1] « For West’s Oil Firms, No Love Lost in Libya », par Guy Chazan, The Wall Street Journal, 15 avril 2011. من أجل شركات النفط الغربية لا من أجل الحب الضائع في ليبيا .